Ընդունուած է լատինական D տառի դիմաց գրել արեւելահայ կամ "դասական" արտասանութեամբ... "Դ":
Բայց շատ անգամ կը տեսնենք, որ D-ի դիմաց ունինք հայերէն շա՜տ հին բառեր "Տ"-ով...: Նա՛մանաւանդ հնամենի Շումերերէնի հետ բաղդատած:
"ՆեՏել" բայը, բոլորս ալ գիտենք, եկած է ռազմական "նեՏ" բառէն, որուն հնդեւրոպական արմատն է neDo, որ կը նշանակէ եղէգ...: Ի՞նչ կապ եղէգին ու նետին միջեւ...: Ժամանակին հայերս եղէգով կը պատրաստէինք նեՏը: Չէ՞ որ նեՏ բառին աւելի հին իմաստը եղէգ է...:
Հիմա դարեր ետք, Դիմագիրք կամ Դիմատետր նստած, կը նետենք-կը բռնենք, բայց առանց ... եղէգի:
Զանգը հնչեց, այսօրուան դասն աւարտած է, կրնանք զբօսանքի ելլել:
Զաւէն Զաքարեան
(շարունակելի)
No comments:
Post a Comment